नवी दिल्ली - लष्करप्रमुख मनोज नरवणे सध्या सौदी अरेबियाच्या दौऱ्यावर आहेत. त्यांनी नुकताच संयुक्त अरब अमिराती (युएई) चाही दौरा केला. यावेळी उभयंतात दोन्ही देशांतील लष्करी सहकार्य वाढविण्यासह इतर विषयांवर चर्चा करण्यात आली. या देशांना भेट देणारे ते पहिलेच भारतीय लष्करप्रमुख आहेत, अशी माहिती लष्कराने ट्विटद्वारे दिली. 

देशभरातील इतर बातम्या वाचण्यासाठी येथे क्लिक करा

त्यांनी दोन्ही देशांच्या वरिष्ठ लष्करी अधिकाऱ्यांची भेट घेतली. त्यांनी सौदी अरेबियाच्या संरक्षण मंत्रालयाला भेट दिली. यावेळी जनरल फयाद बिन हमीद रुवैली व ले.जनरल मुतलाक बिन सालिम बिन अल-अझिमा यांच्याशी चर्चा केली. अझिमा हे सौदी अरेबियाच्या जॉईंट फोर्सचे कमांडर आहेत.

जगभरातील इतर बातम्या वाचण्यासाठी येथे क्लिक करा

सौदी अरेबियाची राजधानी रियाधमध्ये ही भेट झाली. यावेळी दोघांनी संरक्षण सहकार्यावर आपली मते व्यक्त केली. त्यापूर्वी नरवणे यांनी नऊ व दहा डिसेंबरला युएईचा दौरा केला. यात त्यांनी भारत - युएईमधील संरक्षण संबंध वृद्धिंगत करण्याबद्दल वरिष्ठ लष्करी अधिकाऱ्यांशी चर्चा केली. त्यानंतर त्यांनी सौदी अरेबियाचा दौरा केला. गेल्याच महिन्यात परराष्ट्र मंत्री डॉ.एस.जयशंकर यांनी युएईचा दौरा केला होता. या दौऱ्यात त्यांनी भारत व युएईमधील धोरणात्मक भागीदारीवर चर्चा केली होती. 

ताज्या बातम्यांसाठी डाऊनलोड करा ई-सकाळचे ऍप